1 Dari: jhaung zug: tao" zaung: ru shid' zin ein: zin lho" khyaug' khye' lho" xin: sao qhid' ba mae lapa Hagi' nhaid' khyo" Yuda mang: zug: Shelatila yao: zo: Zerubabela we' Yehozadag' yao: zo: khin jaung Yoshu jhao" Mo"so: mung: dao: joe" li" mung: . –2 Gug: mang: dae gam ug yaug Mo"so ce:ru: ga: ta" ra". Ce: amyu" qe wa ayo, majoe" shi: Mo"so: yham kaid' nae" ayo, majoe"3 shi: ga: ta" na: ako". – Ai: au: re lapa Hagi' khyo joe" li" ra" Mo"so: mung: dao: wa, . –4 Are Mo"so: yham wa cae: jhug tag gyoe; gyo" jo; ra". Naonhaung" yao: wa the: zho' the: lao" yham mae na nae" ayo, jo,5 veko" i"? – Ai mung: gug: mang: dae gam ug: Mo"so ceru: ga: mho: ra" yao: yao" na6 qab: ye, bao re myid' ca: qu" ge, . – Naon- haung" myug: shi: myo: sho' sin: qere: dajhid' za: qo" jham" yu ko" ra". Zo: qere: magyi: ko" ngaid: ra". Shaug' qere: gyi: ko" ru mangaid: , mai bau: re qhug' ve, qere: lam nyoe: taung" mathe' ve, ko" ngaid: ra". O: kaung: phug' the' yu: ru re: thaung bung" mae za: ke' qaung" to: ko"ra".7 Gug: mang: dae gam ug: ra" Mo"so ceru: ga: mho: ra" , Yao: yao" na qab: ye, bao re myid: ca: qu" ge,. Bam khyo do, mung: sag' thau: she: yu mung: nga" yham8 re kaid' ge, . – Ngo re: qam: qo" mung: ai mae nhag' dag: na mung: nga" phung bao9 bao: li" nae".– Naonhaung" myo: sho' qo" ga: myid: nghae" gengaid qere: dajhid' za: aqo" yu ko" ra". Ai: ru: re jhi mae ke' to: ko" ra" ngo maid: sin" pye' nae". Pe" mung yang: ngaid: ra" i" ga: gug: mang: dae gam ug yaug Mo"so: myid' na: ra" nga" yham wa gyoe; gyo" lang" jo; ra". Naonhaung" yaug nge, wa yao: yao" yham re za: myid: nghae" na geyang: ngaid: ra" ga: mho:10 ra". – Ai mung: naonhaung" tau: mug: maqu yang: nghin makhyo" myid gaung re: kyaug' gao yang: qhovo: qhoshi: maqo"11 yang: ngaid: ra". – Aimae" getau myid gaung mae re: , Bam nyug lao phyo: mae re:, Gaug zo maui: lam: dao mae re: , Sabyi' naui dao mae re: , Xau gae mae re: , Gaug gae mae re: , Byu we' gug' nyhug' gug' du: adao mae re: , Zaui: so: mau" zo" alhab' adao mae re: ba: yang lhe' kyaug' pye' nae" ngo kheim: dao: khyo" to: va".12 A lao" Shalatila yao: zo: Zerubabela we' Yehozadag' yao: zo: khin jaung Yoshu wa dang shi" ra" mang: byu alhab' re Mo"so: amyin" dao: re re: . Mo"so nhao: ke' ra" lapa Hagi' dao: re re: tae" gyo: gemung: Mo"so: qhid' kheim: mae gyaug phug' na:13 bam ko" ra". – Ai mung: Mo"so mho: ru we' dakhyo: Mo"so: logyo: Hagi' wa Ngo naonhaung" we' daga" na: ga: Mo"so mho:14 ru re byu qere dam: xo' ta" kyo". – Ai ru: mung: Mo"so wa Yuda mang: zug: wa Zerubabela, solo re re: , khin jaung Yoshu solo re re: , mang: byu alhab' mo; solo jham re re: nhug' peim: mung yang: yao: bam15 wa, – Dari: jhaung zug: tao" zaung: ru shid' zin ein: zin lho" khyaug' khye' ba na shid' xe: byid ba: ne, mae yao: bam zang" lo mung: gyag maqui: Mo"so: yham mae mau" zaui" na: ako".