1 Yesu Khristu; daui nhao jeim ngaid: ra" Yaku yao: nhaung: ngo Yuda wa pho" Mo"so: shao kyang" qhug' mung: Yesu Khristu yang khai: yu caung gam: na: ra"2 mo, re kyo" ke' ra". – Nhag' khyag' shogu" ru , ngaui bau: yaug yo: ru we' yao" jhid' de; ru wa naonhaung" mae ajo; jo, veshao: wo".3 Jhid' de, mo, we" ngonhaung" alhab' qo" khae: yu: ra" khyaid' yu: khyo we' tin: yang: naonhaung" jhao" tung" vhin: ke' nae" ein: thaug' qhao" na: au: re shao gyang" va" mo, re gin qhid' mae" qhaug' byid' lam" myid dao mae" qo" ye; na genae" tau: naonhaung" re ta" peim"ke'4 nae" khyo jo; ra". – Khoru: ga" re Mo"so: jeju re ngag: pye' ra" mo, damyo" wa ngon- haung" phaung khyo mabeim: maso: vao li" mung: na: jo; ako". Ai: bam wa yao: yao" gaung sho: phavae mau" qo" kaid' nae" tau: Mo"so: mung dao: re yao: bam o: khyo: aphaug' alhag' kaid' pye' mung: daso: za" ug: gam: yaug ngonhaung" AsAng Yesu Khristu re ngag: pye' mo, ngaid:5 ako". – Ai: mung: naonhaung" ba gau ngaid: qere: ngo ta" peim: nug: ra" akhyo wa apyaid ato: Mo"so wa Israel byumyu" qe re Egutu mang: mae" khyaid' lhoe' yu thao re malam khug mo, re dam: se' tam"6 pye' ra". – Aimae" yao: bam wa yao: yao" kheim: so' aya: re nhag' madag lo: yao: yao" jo, qo re shepye' co' ra" mug: logyo: qere qi" thao" ra" dao: phyid' bana mae dao: phyid' nae" tau: no, tang: lang" ra" mug: caid'7 khug mae khyo" lhaung" to" ra". – Sodom: Gomora we' ai avai: ayae vogaung: jham re myid: beim: ge, yao: bam wa gaung sho: phavae mau" mae sheve, ze gemung: su: myi: su: lao we' na: shaid' ye; shaid' ko" ru yang apyaid' ato mae mashid: ra" myi" yang8 ngha" jheim" pye' ra" sagso: jo; ca". – Ana" ai byu vhang: qe wa qhid' phyao: mae" mo, we' dakhyo: yao: yao" gaung re nyain: vho: nhao yang: kheim: so' ham" hung: re ha: pye' mung: qam: mo" phung bao bo mo,9 re ba: jung" khyoe' ko" ra". – Mug: logyo: zug: Mikhela lao" Moshe' nghin: dam: we' tin: yang: yui satain: we' khag' yu ang: ra" ga: jho" ngag: yhai: ra" au: qi: sho' jung" khyoe' dao: re mavae" ta" lo: apyaid' ato: Mo"so wa nao re mho" shid' veshao: ga:10 za: ata" ra". – Ngaid qere: ai: byu jham wa yao: yao: maba: gyo" ra" ja: re jung" khyoe' ako". Gug' nyhug' we' dakhyo: azhao: mae" ya: yao" jo, qao: ba gau myid khyo" ba: ra"11 ru yang bab: qeim: pye' ako". – Yao: bam wa byuxa: voqoe, qhug' ako". Khoru: ga" re Ka-in" thao cao" ako". Aphug' qo" nae" ga: myid: nghae" ra" Balam we' dakhyo: xo sho' shaid' nghung: veko". Kora tau: lhain"12 ra" qobo we' byo, qeim: byaug veko". – Zo: shaug' poe mae naonhaung" we' daga" zo: shaug' ko" au: yao: bam wa gyaug qho' mabo lo: zo: shaug' gemung: phug' qid gaui de; taung" boe" ko" ra". Yao: bam wa mug: qid mabo: ra" jham thaui: re la: yang hug' lhaui" pye' ru we' dau: ako". Sag' vho' jhoe' lo" mung: ashi: zaui yo, re ashi: mazaui: ra" gae re apain mae" pain" pye' qhug' ra"13 sag' gae we' re: dau: ra". – Yao: bam wa qid dae mae" bang: lhung" we' dau mung: yao: bam: qho' ra" ru wa qid dae mo" bang: lhung" au: mae" thug' li" ra" nyab dui" baung: ru: bao: thug' li" mung: caid' no mae dao" qin" ra" kyi we' dau: ra" ai: dao" qin" ra" kyi jham re apyaid' ato: caid' no, thaung: khug mae lhaung" to" ra".14 Adam: mae" byu yug nhaid' xag' ein ra" Enug' wa cewe' tin" yang: AsAng wa shao gyang" ra" mug' logyo ajham ataung15 we' gyo" li' mung: – Byu alhab' mo, re dao: phyid' li" nae". Byu vhang: qe wa makhyang" ra" mau" zaui" shaid' qobo yang dao: phyid' ru qhug' genae" ga: pa:16 to" ra". – Yao: bam wa nyung yang: su geje re qobo ba: vhin mo, gaung sho: pyo: khyo mae za: cao" ra" mo,. Yao: yao" gaung re ngaid beim: mo, yao: yao: na gai nae" khyo re myid: nghae" yang: sure ba: jhu" zo" ra" mo, ngaid: ako".17 Jhid' de; ra" mo, we" lo" thao" ba na mae ngonhaung" AsAng Yesu Khristu; naungcao qe ta" to: ko" dao: re myid: beim:18 ge, – Yao: bam wa lo" thao" ba na mae naonhaung" re jung" cui" ra" mo, Mo"so re malam mo, yao" kao bau myid: o: khyo re za: cao" ra" mo, thug' li" genae" ga: AsAng19 Yesu Khristu; logyo: qe ta" to" ako". – Ai byu qe wa phung: kho' mo, Mo"so: Solo20 re makhae: yu: ra" mo, ngaid: ako". – Jhid' de, mo, we" naonhaung" wa yao: yao" shao gyang" ra" lam khug: khyo re zhaug' tang: ci: mung: shao gyang" Solo: qam:21 o" yang jhaung: mho' na ge, . – Mo"so: jhid' nhag' khug mae yao: re yao: caung gam mung: Apyaid ato: kao so' qo" nae" tau: Yesu Khristu nhag' myain" khyo re22 myid: nghae" na ge,. – Ba: kho' khaui" ra" nyain bo mung: aug' o" na: ra" mo, re23 nhag' khyag' yu ge,. – Gaung sho: shab' ra" qobo de; jo; ve, mai bau: re gyaug, ca' pye' mung: damyo" re myi: mae" khyaid' xoe: yu ge, .24 Naonhaung" re tha" lang: jao: mae" loe, beim nae" tau: caung gam nae" re: qobo made, lo: ngaui bau: nae" rere: kheim: so' ham" hung: bo: ra" qhid' kheim: khyo25 qo" joe" nhao: ra". – Nyhao: nhaung" re khyaid' yu: ra" daso za" Mo"so wa Yesu Khristu mathao: yang phung bao kheim: so' wa ana" mae" qhid mung: pyaid de du ajo; na veshao: wo". Amen.