1 Kao qi: va" yaug wa nhag' bo myhi" we'2 zoshao qere kyo" ke' ra". – Ngonhaung" mae bo: jo, mung: daga" ngaid: na va" mung dao: tarha" mathao: yang ngo we' daga" mung dao: re ba mo, alhab' wa nhag' bo myhi" we' zoshao qe: adao mae gyang"3 dang: ra" jhid' myid jo; na: ra". – Pho" Mo"so mae" re:, yao: zo: Yesu Khristu mae" re: mung dao: tarha", jhid' myid tarha" we' daga" jeju nhag' myain" yaug yo: ru wa naonhaung" mae jo; na veshao: wo".4 Ngonhaung" wa pho" Mo"so mae" khang" dao: re the' khae: yu va" we' dakhyo: ni" zoshao qe damyo" wa mung dao: mae khug: na: ako" ru re ngo myao5 lao" ngaui bau" ra". – Khang" dao: asag' ru: ngo tung" ru mangaid: genhae" mae" jo; na va" khang" dao: , nhag' bo myhi" nao re yao: cao: jhid' kao: na gelang: ein:6 ngo mho' bain" na: ru ngaid: . – Khang" dao: mae" khyo: cao" pyang" na: ru wa7 jhid' de; na: ru boe" ra". – Naonhaung" khang" dao: mae" ru: cao" na genae" tau: genhae" mae" nao-nhaung" gyo" qu" va" we' dakhyo: khang" dao: re: ai: ra" khyo"8 yao: ngaid va". – Byu: gaung sho: khyo" gyo" li" ra" Yesu Khristu re lham: ha: pye' zo" ju" phyo' ra" myo: sho' mo, wa myidkin khyo vao veko". Airu" yaug wa ju" phyo' yaug ngaid: ra". Antikhristu re: ngaid:9 ra". – Ngonhaung" wa ngonhaung" zaui: so" ru jham mabyaug lo: jab byang" ru qo" nae" tau: naonhaung" re: yao" gaung yao:10 lha" mung: gam: na ge, . – Khristu; mung dao: mae tang: ra" yang wa pho" Mo"so we' zo: re ba: ra". Khristu; mung dao: mae mangaid: lo: lhoe" lai: lo" yaug wa AsAng re maba. Yao: re ni" yham khyo li" re davhao" yu. Nga: lho" veshao: ein: au" dao: damho11 wa,. – Nga: lho" veshao: ein: ai: yaug re au" re ai: yaug: makhyang" ra" ave, we' zam" ru boe" byaug: ra".12 Naonhaung" re ngo tung" nae" myo: sho' jo, qere: mug sug we' mhaug' yang za: wa ngo manug: tung". Naonhaung" jhao" ngo li" mung: dayaug we' dayaug qam: qo" ngaui bau: nae" tau: naonhaung" we' jho" au" zo" dao: jhau nae" ein: myid: nghae" na: ra".13 Ni" nhae: mo" yao: zo: qe re: nao re au" ke' ako".