1 Yesu Khristu we' tin" ra" mathao: yang kyam: lhaung" to: qhug' ra" ngo Po"lu we' nga" nhaung: Timoti wa ngonhaung" jhid' ra" mau" vin cao: Philemon rere: –2 Ngo-nhaung" jhid' ra" nhae: mo" Api ngonhaung" gye khe' cao: Akhipu mae" ni" yham mae na: ra" phung: re kyo" ke'3 ra". – Ngonhaung" AsAng Yesu Khristu we' ngonhaung" pho" ein: ra" Mo"so mae" jeju we' yaug yo: ru wa naonhaung" mae jo; na veshao: wo".4 Nao wa AsAng Yesu Khristu re lam khug mung: shaogyang" mo, alhab' bam: re jhid' kao: na: ga" ru ngo the' gyo" au: –5 Nga" Mo"so: jeju re khyao za: caung: khin" mung: ni" tau: mae jhaung: mho' mung: na:6 na:. – Jhaung: mho' dao: kheim: jham wa nao wa lam khug: khyo mae zam" khug: ra" qam: je: qi" li" mung: su mo, je wa Yesu Khristu tau: mae" ngonhaung" mae gai: ra" akhyo jo; gu: re khae: yu nae" tau: jhaung:7 mho' ra". – Nga" nhaung: we'' nao wa shao gyang" ra" mo; nhag' lam: re nhag' jo, yo nhao yang: ni" jhid' myid re qu" mung: ngonhaung" gyai yao: ngaui bau: yaug yo: ngaid: bam va".8 Ai mung: nao wa kaid' ang: ra" akhyo: jham re khang" pin: to: nae" tau: ngo wa Khristu khyo" yang gyai yao: vae" vae"9 za: zaui: nae" akhang" jo, qere: . – Kao qi: va" Po"lu ga" ra" Yesu Khristu mathao: yang kyam: lhaung" to: yaug ngaid qere: jhid' myid we' nao re mho' bain" ke'10 ra". – Taui" lhaung" to: qhug' ra" au: re ngonhaung" yao: zo: ein: nae" ra" nao11 wa – Lai: lo" va" yo, mae yhung: magai lo" yaug ana" wa nao we' ngo dam: gai: ci va" yaug Onetin tau: mae" ngo mho' bain"12 ra". – Yao: re nao jhao" ngo dam: nhao: ke' ru mung: yao: re nga" aung mae" gyo"13 yaug ru: lham: khae: yu wa, . – Ngaui bau: lau dao: mathao: yang ngo taui" to: qhug' ra" ayo, mae yao: wa ni" gaung tha" ngo re caung gun nae" tau: yao: re ngo nha14 nug shi: ngaid qere: – Nao ngo re jeju kaid' ru maqaid maqui" kaid' byid' khyo" mangaid: lo: agau jao mae kaid' byid: nug: ra" nhag' myid bo taung" kaid' byid: nae" re ngaui mung: ni" akhang" maqo" re15 ngo madaui nhao nug . – Aimae" dagau: wa nao wa yao: we' khonhae" re: abang mabyid qo" na nae" tau: mae" yao: nao we' dazab daso' lhau" gao" ru za: angaid16 nae". – Airu: mho: ru wa jeim ru: ngo qo" nae" rure ta" ru mangaid: ngo gekai: lai jhid' de; ra" nga" nhaung: nao mae kam" gaung sho: khyo" re: Mo"so khyo" re: je mung: jhid' de; ra" yao: nhaung: ru: qo"17 nae" khyo" yang mho: ru ngaid: . – Airu: mung: nao wa ngo re ni" byin zam" cao: dao" nghae" lao" wa yao: re ngo re" ru:18 yao: re khae: yu wa, – Yao: wa nao mae shaid' nghung" ru jhin bo: ru daja: ja: bo:19 re nga" jhin ein: xam" to: wa, . – Xe' nae" ein: ngo Po"lu nga" lo, tung" yang tung" to" ra". Ai qere: ni" gaung yao: re ngo re20 jhin axe' ca" ra" ein: ngo mamho. – Nga" nhaung: we" AsAng Mo"so mae ngo re jeju kaid' wa, Khristu mae nga" nhag' lam: jo, yo nhao shao: .21 Nao wa ngo ta" ru gyo: byid: naeva". Malam: shaid' lo: nae" tho' mago" ngo ta" ra" tho' je yang: zaui" li" nae" ein: dang22 dang ba mung: ngo tung" ke' ra". – Aimae" dagau: ngo bang" na nae" jao: rere: nyhang" wa, khoru: ga" re naonhaung" jhaung: mho' ko" ru: yang naonhaung" na: mae ngo li" lo nae" akhang" byid: naeva" ein: myid: na: ra".23 Yesu Khristu mathao: yang ngo we' kyam: lhaung" to: qhug' ra" Ephaphyra24 we' – Nga" mau" vin cao: Maku Ared- lakhu , Dema , Luka jham wa nao re au"25 ke' ako". – Ngonhaung" AsAng Yesu Khris- tu: jeju kam" wa naonhaung" nhag' lam: Solo we' daga" ana: na veshao: wo".